Si Huang Wenxiu, isang nagtapos ng master's degree sa Beijing Normal University, ay kusang tinalikuran ang pagkakataong magtrabaho sa malaking lungsod at nagbalik sa kanyang bayang sinilangan. Nagtrabaho siya sa Propaganda Department ng Baise Municipal Party Committee. Noong 2018, kusang-loob siyang nagprisinta na maging unang kalihim ng Baini Village, isang maliit na nayon sa bundok sa Guangxi na pinakamahirap sa rehiyon. Sa araw, nililibot niya ang nayon at binibisita ang mga mahihirap na pamilya upang suriin ang mga dahilan ng kanilang kahirapan; sa gabi, kasama ang "Dalawang Komite ng Nayon," pinag-aaralan nila ang mga hakbang laban sa kahirapan at gumagawa ng plano sa trabaho upang puspusang isulong ito. Sa pagtagumpayan ni Huang Wenxiu ng mga hadlang at sa kanyang walang tigil na pagsisikap, sa loob ng mahigit isang taon, matagumpay niyang natulungan ang 88 mahihirap na pamilya na makaahon sa kahirapan.