Patuloy na sinisiyasat ng mga ahente ng FBI na sina Holden Ford at Bill Tench kung anong sikolohikal na dahilan ang nagtutulak sa mga tao na gumawa ng mga bagay na hindi inaasahan. Sa tulong ng psychologist na si Wendy Carr, pinasimulan nila ang makabagong paggamit ng behavioral analysis sa paghuli sa mga kilalang serial killer. Ang ikalawang season ng Mindhunter ay hango sa totoong mga pangyayari at nagbabalik noong Agosto 16. Ang bagong season ay pinagbibidahan nina Jonathan Groff, Holt McCallany, Anna Torv, Joe Tuttle, Albert Jones, Stacey Roca, Michael Cerveris, Lauren Glazier, at Sierra McClain. Ang seryeng ito ay dinirehe nina David Fincher (Gone Girl, Zodiac), Andrew Dominik (Killing Them Softly, The Assassination of Jesse James), at Carl Franklin (The Leftovers, House of Cards). Sina David Fincher, Joshua Donen (Gone Girl, The Quick and the Dead), Charlize Theron (Girlboss, Dark Places), at Ceán Chaffin (Gone Girl, Fight Club), kasama sina Courteney Miles at Beth Kono, ang nagsisilbing executive producers.